Toshkent gumanitar fanlar universiteti ta’lim va tadqiqot konsepsiyalarini uyg‘unlashtirgan, a’lo darajada bilim beradigan nufuzli xalqaro universitet bo‘lishni maqsad qilgan. Bizni tanlash uchun 12 ta asosiy sabab.
Ta’lim sifati, xalqaro hamkorlik va talabalarga yaratilgan sharoitlar bo‘yicha asosiy jihatlar.
TGFU diplomi respublikamizda va xalqaro miqyosda tan olinadi — dunyoning istalgan mamlakatidagi oliy o‘quv yurtlarida magistratura yoki doktoranturada o‘qishni davom ettirish hamda xalqaro kompaniyalarga ishga kirish imkonini beradi.
Dars mashg‘ulotlari tasdiqlangan malaka talablari asosida tashkil etiladi va jahon hamda milliy ta’lim standartlariga, Oliy ta’lim, fan va innovatsiyalar vazirligi talablariga to‘liq mos keladi.
Talabalarning bilimi bilan birga qobiliyatlarini ham rivojlantirish maqsadida dars jarayonlarida zamonaviy ta’lim texnologiyalari va interfaol metodlardan keng foydalaniladi.
Talabalar hamkor tashkilot va korxonalarda amaliyot o‘tab tajriba to‘playdilar, “universitet+korxona” loyihalarida, ilmiy anjuman va xalqaro konferensiyalarda ishtirok etadilar.
Jahonning 20 dan ortiq davlatidagi 50 ga yaqin ta’lim muassasasi va korxonasi bilan “2+2”, “3+1”, “ta’lim+tur”, “universitet+korxona” dasturlari doirasida hamkorlik yo‘lga qo‘yilgan.
Madaniy-ma’rifiy, ijtimoiy va sport tadbirlari orqali talabalarda yaratuvchanlik, yetakchilik va jamoada ishlash ko‘nikmalari shakllantiriladi — hech kim e’tibordan chetda qolmaydi.
To‘lov-shartnoma miqdorlari hamyonbop bo‘lib, Ta’limni rivojlantirish fondi har yili yuzlab talabalarga grant va bir martalik pul mukofotlari ajratadi.
Chuqur bilim va boy tajribaga ega professor-o‘qituvchilar guruh muhokamalari, amaliy mashg‘ulotlar va soha mutaxassislari ma’ruzalari orqali sifatli ta’lim beradi.
Qoraqalpog‘iston Respublikasi To‘rtko‘l tumani, Toshkent va Samarqand shaharlaridagi kampuslardan o‘zingizga yaqinini tanlashingiz mumkin — atrofda supermarket, bank va oshxonalar mavjud.
To‘rtko‘l kampusida 220 o‘rinli, Toshkent kampusida 500 o‘rinli zamonaviy yotoqxonalar mavjud — har bir qavati oshxona, yuvinish va kiyim yuvish xonalari bilan to‘liq jihozlangan.
30 ga yaqin bakalavriat va 3 ta magistratura yo‘nalishi, shuningdek ingliz, rus, xitoy, koreys, arab, fransuz kabi o‘nga yaqin xorijiy til o‘qitiladi.
Bitiruvchilarimiz ish topish muammosiga duch kelmaydi: davlat va xususiy tashkilotlar bilan “universitet+korxona” dasturlari orqali amaliyot va ish bilan ta’minlash yo‘lga qo‘yilgan.
TOSHKENT GUMANITAR FANLAR UNIVERSITETI